Digmaan sa Bongabong

 12/07/2019

MERDEKA BRONZE

 Pauwi ng ang Mangyan

Matapos makipaglaban

Sa larong labis na minamahal

Di naman umuwi na isang luhaan.

Dito ay aking pinilit

Makasali kahit saglit

Di pinaghari ang pagkainip

Kaya iyon tanso ay nakamit

MGA AGILA NG MINDORO

MGA AGILA NG MINDORO

Leon Asilo

Marami kaming lumipad pagkataastaas

Kaysarap lumangoy sa mga ulap na busilak

Mga bagwis walang pagod sa kakukumpas

Ito ang buhay wala ng mahahangad!

Minsan napaaga ng gising agad bumalikwas

Pumaimbabaw sa langit na malapad

Nang biglang may hanging sa akin ay humampas

Kagagawan ng Agilang tunay na kay kintab!

Kay ganda!  Kay kisig! Tunay na matikas!

Sa pagkabighani hinabol ko agad

Sa dagat, sa burol, sa mga talampas

Ako ay hiningal... tumigil.... malayo ang agwat.

Kinabukasa'y kinausap mga matatanda

Sa kanila sinabi aking pagkamangha

Ah si Joey iyon nakatira sa Ibaba

Sanay talaga iyon sa pakikipagdima!

Mga araw, linggo, buwan, taon ay nagdaan

Paunti ng paunti ang pumapailanlang

Sa wari ko ay napagod... katawan ay pagal

Ang iba ay naduwag tumago sa ilang.

Minsan sa itaas may agilang ding makintab

Kami ay nagpanghimok unahang makalampas

Pabilisang makarating sa bundok na kay taas

Sa huli'y ako ang nagwagi ng mahawi ang ulap.

Sabi nya sa akin ako daw ay higit

Ang ibang agila na sa una lang mabilis

Kapag unos at bagyo ay sumingkad humagupit

Nababahag daw kanilang mga bagwis!

Ang makintab na agila ngayon ay matanda na.

Ngunit sa tikas ng tindig walang pinagkaiba

Para pa ding dati malakas sa sultada

Gusto mong subukan?  Dapat maghanda ka.

Sana isang araw palikpik ko ay kumintab din!

Sabay kaming lumipad sa ulap na malalim

Maglalakbay... makikipagbuno... hindi dadaing

Panginoon ... sana ay matupad itong munting hiling!

Miss Kita

Miss ko na kayo

Leon Asilo

Hi Sweetie bigla lang kitang na miss!

Nakakainis talaga itong Covid na pandemic

Pwede sana akong diyan bumalik

Kaso mahirap ang sasakyan meron pang rapid/swab test!

Sarap maglakad sa may bandang likod

Kasama si Chuchay pag minsan ay si Whitey-pot

Kapag kasama kayo ay nawawala ang pagod.

Kahit puyat kapag ginising mo - sugod!

Napapangiti ako noong tinuruan mo akong mag Word Blitz

Kala ko ako ay magaling na...nakakainis

Ikaw, si Abram at Aemiell lagi akong nilulupig

Ayoko na suko na balik na lang ako sa chess!

Kumusta na ga ang iyong mga halaman?

Ang iyong grapes na galing sa kalangitan?

Ang iyong insulin plants panlaban sa aking ka sweet-an?

Ang paborito kung aso inyo gang pinaliguan?

Ako? Ito katatapos maglaba hirang

Agad ko ring ipinasok nagbabadya ang ulan

Huwag kang mag alala katawan ay iniingatan

Lagi mong tatandaan kitay mahal na mahal na mahal!

KAILAN DARATING ANG UMAGA?

KAILAN DARATING ANG UMAGA?

Bakit sa tuwina'y kaydilim ng umaga?

Mga kulog at kidlat nagbabadya baga

Luksang ulap humahadlang talaga

Sinasansala ang mithing ligaya.

Parang batong di natitinag

Ang tanging saksi sa mga naganap

Mga nakita'y di maibulalas

Pagkat walang layang makapagpahayag.

Katulad ng mangmang na'y pinutol pa and dila

Dahil sa nakita ang krimeng nagawa

Mga nakita'y pinagwalang bahala

'Pagkat sa pagwika'y wala siyang laya.

Kawangis ng lahing minsa'y walang kibo

Laging yumuyukod, laging tumatango

Sa pagkasubasob di makatayo

Pagkat pinipigil ang mga maling turo.

Ah! Kailan nga ba sisikat ang araw?

Upang magsiwalat ng katotohanan

Upang ipabatid mga kamalian

Bunga ng ulap ng kasinungalinan.

Ang paraan kaya'y magsawalang kibo

At huwag indahin sugat na tinamo

O hanapin ang mga nagkanulo...

Kuhanin ang apdo't durugin ang puso?

#LeonAsilo

Hiling

Hiling

Leon Asilo

Sa buhay ay wala ng mahihiling pa

Buhat ng tayo ay pinag-isa

Magkasama sa hirap, sakit at dusa

Magkapiling sa tagumpay at saya.

Di mo na siguro tanda ng una tayong nagkita?

Sa Singles for Christ iyon kay saya talaga!

May narinig akong may humagikgik na dalaga.

Dagli ako lumingon, iyon ay ikaw pala.

Hindi ko alam para kang magnet

Lagi na lang ikaw ang nasa isip!

Sa Kabalikat sumali din kahit di mahilig

Ako ay si Journal. Ikaw naman ay si Silvics.

Sa panliligaw mahirap maging formal

Dapat  nagpapaka  totoo ka  lamang

Minsan  kasera ko ako ay tinawanan

Pagkat nalamang isang paa ko'y nahulog sa kanal.

Yari busted tiyak ang Mangyan!

Ako ay nag-isip... ibang strategy naman

Gusto ko ay unusual

Instead na bulaklak binigay  ko ay tulingan.

Ikaw yata ay naawa sa aki'y napatingin

Oo ay iginawad noong  November 27

Makalipas ang dalawang taon nagkaroon ng Piging

Kapagdaka ay nagbunga ng dalawang poging supling.

Maaring lagi tayong magkalayo

Subalit huwag ka sanang masiphayo

Aaminin ko meron akong dalawang kalaguyo

Ngunit mas matimbang ka pa rin sa aking puso!

Tanda ko pa noong ako'y nasa bingit nang alanganin

Angiogram ba or Angioplastyplasty ang sa akin ay gagawin?

Angioplasty sana ang sa Doctor ay sabihin

Sapagkat ang UCPB naman tiyak ako ay sasagipin!

Kahit pala paano'y ako ay mahal mo rin

Sa punas ng alcohol at bulak ako ay biglang nagising

Luha ay pumatak, bugso ng damdamin

Hindi mo hinayaang mundo ko ay magdilim!

Wala na akong mahihiling?

Maalaga ka kay  kuyacute pati na kay Aem Aem

Kasundo ang pamilya ko. Sa iba'y di tumitingin.

Meron pa ba akong hihilingin?

SWEETIE HAPPY BIRTHDAY!!!

My Other Woman!

My other woman!

Leon Asilo

Dati rati di kita napapansin

Pagkat sa basketball ako'y tunay na haling

Subalit nang minsang magka Liga sa amin

Sukat ba namang si Putol ang piliin.

Mula noon ay akin nang napagtanto

Sa larong basketball di tayo lalago

Dapat itong  ipagbawal kahit saang dako

Ito ay pang barangay lang di pang malayo!

Isang araw mga kaklase ko ay nag-aasaran

Ako ay naintriga pinuntahan ko naman

Doon nakita ko mga mata mong mapupungay

Mga tagahanga mo ikaw ay pinaligiran!

Aaminin ko noong una ay paghanga lamang

Subalit ano itong nadarama ko habang tumatagal?

Hindi maaaring hindi ka masilayan

Umamin ka umamin ka ako'y iyong kinulam!

Subalit natantong kayhirap mong ma please

Inuuna mo sila ikaw ay nakakainis

Ano ba ang gagawin para puso mo ay makabig?

At ikaw ay bumagsak sa aking mga bisig!

Nagdaan ang mga araw, linggo...buwan

Bakit sa iyo ako  pa rin ay talunan?

Ako naman ay pansinin mo maawa ka naman.

Ako naman ay pagbigyan mo, pagbigyan kahit minsan.

Kawangis mo ay buko ng rosas

sa hardin ng bulaklakan

Ako naman ay bubuyog talulot mo'y hinahagkan

Parating bubulong bulong umaamong pakikinggan

Yaring daing ng puso kong pag-ibig ang dahilan.

Masakit man ikaw ay nilisan

Si Mama sa Manila ako ay ipinasyal

Sa National Book Store mga paa ko ay natagpuan

Naghahanap ng pasalubong para sa iyo mahal.

Ikot dito ikot doon ikot ikot lang

Wala akong makita na sa iyo ay iaalay

Nakakita ako madaming libro kakakapal

Pinakyaw ko Informator P4.75 laang.

  

Piping saksi ang abandonadong bahay

Sa pagguhit ng kawangis mo sa papel na luhaan

Iniukit ang kulay itim at puting may pagitan

Mga nauupos na daliri'y aking pinagyaman.

Hindi naglaon ay ikaw ay bumigay!

Ako ay naging iyo, ikaw ay naging akin naman

Nang ikaw ay yapos yapos nakaroon ng sumpaan

Nangakong magsasama hanggang kamatayan!