PACQUIAO AFTERTHOUGHTS AFTER THE FIGHT WITH HORN

Lumaban ako ng parehas
Di alintana kung ako ay may idad
Kahit kalaban ko ay tunay matikas
Basta't para sa bayan...  ibibigay lahat.

Sa mga unang yugto ay aking sinukat
Kung ang kanyang kanyon ay talagang malakas
Aking napagtanto na siya ay may Alas
Kay galing at kay husay pala niyang manuwag

Ako'y duguan ngunit lumalaban
Kuhanin mo ang korona ko na may dangal
Ako'y mandirigma ako iyong igalang
Ako ay maginoo paa ko'y wag tapakan

Sa mga huling yugto'y aking pinakawalan
Dati kong bangis sa pakikipaglaban
Nang akin ng ibibigay ang kaliwa kung pamatay
Lintik na Bell tumunog naman!

Akala ko'y tapos na ang laban
Pagkat kamao ko'y niratrat siyang tunay
Ako'y nagulat siya'y muling nabuhay
Kamandag ng suntok ko'y tila wala ng saysay.

Panginoon lumaban ako ng parehas
Ngunit ninakaw ng may mga may masamang balak
Huwag hayaang magtagal sa kanilang palad
Gamitin mo ako... ang iyong tapat na alagad!

ANG PAGBABALIK

Ako'y lumipad kasama ng ibang ibon
Bagwis ko ay nakabuka ...umaga hangang hapon
Malayo ang tutunguhin ...mainit .. ...tumutulo ang sipon
Katawan ay ngalay, uhaw ... gutom

Kay gandang pagmasdan makintab na butil ng dagat
Mga kastilyong batong nagsilbing alamat
Matulaing libingang kasaysaya'y di masukat
Talon na bumubuga ng yelo tila ayaw magpaawat

Pabalik na ang mga ibon
Mabilis ang kampay wari'y may humahabol
Kaya pala'y mga inakay na naiwan ay umuungol

Nanabik kaya sa pagbabalik o sa pasalubong?

Add caption

\